Compensation Leave Rules-Conditions-Compensation Leave Voice Clip

-

 കെ.എസ്.ആർ. ഭാഗം ഒന്ന് അനുബന്ധം ഏഴിലെ സെക്ഷൻ മുന്നിലാണ് കോമ്പൻസേഷൻ ലീവിനെകുറിച്ച് പ്രതിപാദിക്കുന്നത്

ഓഫീസ് മേലധികാരിയുടെ ഉത്തരവിന്റെ അടിസ്ഥാനത്തിൽ ഓഫീസിലെ അടിയന്തിര പ്രാധാന്യമുള്ള ജോലികൾ ചെയ്യുന്നതിനായി  അംഗീകൃത പൊതു അവധി ദിവസം ഓഫീസിൽ ഹാജരാകുന്നവർക്കു അതിനു പകരം അനുവദിക്കുന്ന അവധിയാണ് കോമ്പൻസേഷൻ ലീവ്.  അപ്രകാരം ഓഫീസിൽ ഹാജരാകുന്ന  ഒരു പൊതു അവധി ദിവസത്തിന് ഒന്ന് എന്ന കണക്കിൽ കോമ്പൻസേഷൻ ലീവ് ലഭിക്കും. 

കോമ്പൻസേഷൻ അവധി എടുക്കുന്നതിനു മുൻപ് ഓഫിസ് മേലധികാരിയുടെ മുൻകൂട്ടിയുള്ള അനുവാദം വാങ്ങിയിരിക്കണം.എത്ര പൊതു ഒഴിവു ദിവസം മേൽപ്രകാരം ജോലിക്കു ഹാജരായിരുന്നെങ്കിലും ഒരു കലണ്ടർ വർഷം പരമാവധി 15 കോമ്പൻസേഷൻ ലീവുകൾ മാത്രമേ ഒരു ജീവനക്കാരാന് എടുക്കാൻ കഴിയൂ.ഏതു പൊതു അവധി ദിവസത്തെ ജോലിക്കായാണോ കോമ്പൻസേഷൻ ലീവ്  അനുവദിച്ചിട്ടുള്ളത് ആ തീയതി മുതല്‍ മൂന്നു മാസം കഴിഞ്ഞാൽ ആ കോമ്പൻസേഷൻ ലീവ് നഷ്ടപ്പെടും.ഒരു സമയത്ത് 10 ദിവസത്തിൽ കൂടുതലുള്ള കോമ്പൻസേഷൻ ലീവ് സ്വരൂപിച്ചു വയ്ക്കാനും കഴിയുകയില്ല. 

കോമ്പൻസേഷൻ ലീവ് അംഗീകൃത അവധിയോടോ ആകസ്മിക അവധിയോടോ ചേർത്തെടുക്കാം. പക്ഷെ ഇപ്രകാരം ചേർത്തെടുക്കുമ്പോൾ തുടർച്ചയായി ഓഫീസിൽ ഹാജരാകാതിരിക്കുന്ന ദിവസങ്ങൾ പതിനഞ്ചിൽ കൂടാൻ പാടില്ല. റഗുലർ അവധികളോട് ചേർത്ത് കോമ്പൻസേഷൻ ലീവ് അനുവദിക്കാൻ പാടില്ല.പൊതു അവധി ദിവസം നടത്തുന്ന ഔദ്യോഗിക യാത്രകൾക്ക് കോപൻസേഷൻ ലീവ് ലഭിക്കുകയില്ല.സെക്യൂരിറ്റി ജോലിയെ ബാധിക്കുകയില്ലെങ്കിൽ മാത്രമേ പൊതു അവധി ദിവസം ജോലിനോക്കുന്ന സെക്യൂരിറ്റി ജീവനക്കാരന് കോമ്പൻസേഷൻ ലീവ് അനുവദിക്കാവൂ. നിയന്ത്രിത അവധി ദിവസങ്ങൾ കോമ്പൻസേറ്ററി ഓഫിനായി പരിഗണിക്കുകയില്ല. ഞായറാഴ്ച ഒഴികെയുള്ള പൊതു  ഒഴിവു ദിവസങ്ങളിലെ ഹാജരിന് പാർട്ട് ടൈം കണ്ടിൻജൻസി ജീവനക്കാർക്കും നേരത്തെ പറഞ്ഞ നിബന്ധനകളോടെ കോമ്പൻസേറ്ററി ഓഫ് ലഭിക്കും. 

ഓഫീസ് മേധാവിക്ക് കോമ്പൻസേഷൻ ലീവിന് അർഹതയില്ല.കോമ്പൻസേഷൻ ലീവ് സംബന്ധിച്ച കണക്ക് എഴുതിവയ്ക്കുന്നതിന് പ്രത്യേകം രജിസ്റ്റർ നിശ്ചയിച്ചു കാണുന്നില്ല. അറ്റൻഡൻസ് രജിസ്റ്ററിൽ തന്നെയുള്ള രേഖപെടുത്തലുകളിലൂടെ ഈ ലീവ് കണക്കു മാനേജ് ചെയ്യാവുന്നതാണ്.www.lsgadministration.com (Compensation Leave-Voice Clip)-Use Head Phone

Comments

  1. Unknown20 August 2020 at 18:55

    Sir, good information👍

    ReplyDelete
  2. aneesh kumar kv21 August 2020 at 07:59

    ലളിതമായ ഉള്ളടക്കം പെട്ടെന്ന് മനസിലാകുന്ന വിവരണം . Thanks Sir

    ReplyDelete

Post a Comment

Popular posts from this blog

FIXATION OF PAY UNDER RULE 28 A - K.S.R. Part I

-
       2014 ലെ ശമ്പള പരിഷ്കരണ ഉത്തരവ് പ്രകാരം , കെ.എസ്.ആർ.ഭാഗം I റൂൾ 28   A യിൽ 26.03.2006 മുതൽ നിലവിലുണ്ടായിരുന്ന ഓപ്ഷൻ സൗകര്യം എടുത്തു കളയുകയും റൂൾ 28   A യിൽ 26.03.2006 ന് മുൻപു  നിലവിലുണ്ടായിരുന്ന വ്യവസ്‌ഥകൾ 01.02.2016 പ്രാബല്യത്തിൽ പുനഃസ്ഥാപിക്കുകയും ചെയ്തിട്ടുണ്ട്. അതനുസരിച്ച് റൂൾ 28 A  യിലെ ഇപ്പോഴത്തെ വ്യവസ്ഥ പ്രകാരമുള്ള ശംബള നിർണ്ണയ രീതിയാണ് ചുവടെ വിവരിക്കുന്നത്. ഒരു തസ്തികയില്‍   സ്ഥിരമായോ ( സബ്സ്റ്റാന്‍റീവ് ) താൽക്കാലികമായോ ( ടെമ്പററി ) പകരമായോ ( ഒഫിഷേറ്റിംഗ് ) തുടരുന്ന ഒരു ഉദ്യോഗസ്ഥ ന് ഒരു ഉയര്‍ന്ന ടൈം സ്കെയിലിലുള്ള തസ്തികയിലേക്ക് സ്ഥിരമായോ ( സബ്സ്റ്റാന്‍റീവ് ) ,  താൽക്കാലികമായോ ( ടെമ്പററി ) ,   പകരമായോ ( ഒഫിഷേറ്റിംഗ് ) സ്ഥാനകയറ്റം ലഭിക്കുമ്പോഴാണ് റൂൾ 28 A അനുസരിച്ച് ശബളം നിശ്ചയിക്കുന്നത് . സ്ഥാനകയറ്റം എന്നാൽ റഗുലർ പ്രൊമോഷൻ,   സമയ ബന്ധിത ഹയർ ഗ്രേഡ് പ്രൊമോഷൻ , റേഷ്യോ പ്രൊമോഷ ൻ , ഉയര്‍ന്ന സ്കെയിലേക്കുള്ള പുതിയ നിയമനം, ബൈ ട്രാൻസ്ഫർ നിയമനം എന്നിവയാണ് . 2019 ലെ ശബള പരിഷ്കരണ ഉത്തരവിലെ അനുബന്ധം I ൽ കൊട...
Read more

JOINING TIME - Rules

-
കെ.എസ്‌,ആർ.ഭാഗം ഒന്ന് അദ്ധ്യായം പത്തിലാണ് പ്രവേശന കാലത്തെ കുറിച്ച് പ്രതിപാദിച്ചിട്ടുള്ളത്. പ്രവേശന കാലം അനുവദിക്കുന്നത് ചുവടെ പറയുന്ന മൂന്ന് സാഹചര്യങ്ങളിലാണ്. ഒരു തസ്തികയിൽ ജോലി നോക്കി വരവെ പുതിയൊരു തസ്തികയിലേക്ക് നിയമനം ലഭിച്ചാൽ;  ആർജിത അവധിയിൽ നിന്നും തിരികെ വരുമ്പോൾ പുതിയ പോസ്റ്റിൽ പ്രവേശിക്കേണ്ടി വന്നാൽ; ആർജിത അവധി ഒഴികെയുള്ള അവധിയിൽ നിന്നും തിരികെ വരുമ്പോൾ മുൻകൂട്ടിയുള്ള അറിയിപ്പില്ലാതെ  പുതിയ പോസ്റ്റിൽ പ്രവേശിക്കേണ്ടി വന്നാൽ; പ്രവേശന കാലം സംബന്ധിച്ച പ്രധാന നിബന്ധനകൾ ചുവടെ ചേർക്കുന്നു. ദൂരം എട്ട് കിലോമീറ്ററിൽ കുറവുള്ള സ്ഥലത്തേക്കാണ് സ്ഥലം മാറ്റമെങ്കിൽ പുതിയ ജോലിയിൽ പ്രവേശിക്കാൻ  ഒരു ദിവസം എടുക്കാം. ഈ ഒരു ദിവസത്തിൽ ഞായറാഴ്ചയും മറ്റ് അവധി ദിവസങ്ങളും ഉൾപ്പെടും.  സ്ഥലം മാറ്റം അതേ ഓഫീസിലാണെങ്കിൽ പ്രവേശനകാലം ലഭിക്കുകയില്ല; പ്രവേശന കാലത്തെ തുടർന്ന് പൊതു അവധികൾ വരികയാണെങ്കിൽ ആ അവധികളും കൂടി പ്രവേശന കാലമായി കരുതും; ലീവിൽ നിൽക്കുന്ന ഒരു ഉദ്യോഗസ്ഥന്റെ പ്രവേശനകാലം, ലീവ് അനുവദിച്ച അധികാരിയുടെ അനുവാദമുണ്ടെങ്കിൽ, ലീവിനോട് സഫിക്സ് ചെയ്തിട്ടുള്ള അവധി കഴിഞ്ഞതി...
Read more

TIME BOUND HIGHER GRADE PROMOTIONS- Rules for Allowing TBHG Promotions

-
  സമയബന്ധിത ഹയർ ഗ്രേഡ് പ്രൊമോഷനുകൾ സീനിയോറിറ്റി കണക്കാക്കാതെ നിശ്ചിത യോഗ്യസേവനകാലം പൂർത്തിയാക്കിയ ജീവനക്കാർക്ക് ഒരു ഉയർന്ന ശമ്പള സ്കെയിൽ അനുവദിക്കുന്നതിനെയാണ് സമയബന്ധിത ഹയർ ഗ്രേഡ് പ്രൊമോഷൻ എന്ന് പറയുന്നത് . 2) 1.07.1979 മുതലാണ് സമയബന്ധിത ഹയർ ഗ്രേഡ് പ്രൊമോഷനുകൾ എന്ന ആനുകൂല്യം സർക്കാർ ജീവനക്കാർക്ക് ലഭിച്ചു തുടങ്ങിയത്. ജോലിയിൽ പ്രവേശിച്ച തസ്തികയിൽ 13 വർഷത്തെ യോഗ്യ സേവനകാലം ഉള്ളതും ആ കാലയളവിനുള്ളിൽ സ്ഥാനക്കയറ്റങ്ങൾ ഒന്നും ലഭിക്കാത്തവർക്കും  13 വർഷത്തെ യോഗ്യസേവനകാലത്തേക്ക് ഒരു ഉയർന്ന സ്കെയിൽ അനുവദിച്ചു കൊണ്ടാണ് ഈ സ്‌കീം ആരംഭിക്കുന്നത്. നോൺ ഗസറ്റഡ് ജീവനക്കാർക്ക് മാത്രമായിട്ടാണ് ഈ സ്‌കീം ആദ്യമായി ആരംഭിച്ചതെങ്കിലും പിന്നീട് ഗസറ്റഡ് ജീവനക്കാർക്കും  ഗ്രേഡ്  ആനുകൂല്യം അനുവദിക്കുകയുണ്ടായി. സ്ഥാനക്കയറ്റങ്ങൾ ലഭിക്കുന്നതിന് വർഷങ്ങൾ എടുക്കുന്ന വകുപ്പുകളിലെ ജീവനക്കാർക്ക് വളരെ ആശ്വാസമാണ് ഈ സ്‌കീം. 3) 1.07.1979  നു ശേഷം ധാരാളം മാറ്റങ്ങൾക്ക് ഈ സ്‌കീം വിധേയമായിട്ടുണ്ട്. ശമ്പള പരിഷ്കരണ ഉത്തരവുകളിലാണ് സമയ ബന്ധിത ഹയർ ഗ്രേഡ് പ്രൊമോഷനുകളെ സംബന്ധിച്ച നിബന്ധനകളും മറ്റും സാധാരണയാ...
Read more